Zerfaliu

Cultura, tradizioni, sapori

mobile

Condaghe di Santa Maria di Bonarcado, c. 15

stampa crea pdf invia il link
ad Petru d’Orruu de villa de Ziorfaliu
25. Ego Nicolaus, priore de Bonarcatu, cun donnu Petru Murtinu, armentariu meu adpus sa domo de sancta Maria de Bonorcadu, fagemus recordatione pro kertu ki fegerus in corona de donnu Petru de Figus armentariu de logu. Kerterus pros sos fiios de Erradore Pisanu, ki fudi serbu de sanctu Jorgi de Calcaria, c’aviat fattus dave Bera de Zori et no llus boliat dare a sserbire. Et pedivitse kertadore suo in corona a donnu Furadu de Çori Zorrompis ki fudi parente suo et arresposit pro eu: «custus serbos, ki kertadis, fiios de libera sunt et impare non furunt coiuados». Et naredi donnu Petru Murtinu ca «fiios dessu serbu de sanctu Iorgi sunt et impare sunt istetidus dessus annos ·XX·». Et donnu Furadu de Çori Zorrompis resposit et tramudessi, ca viiat ca llu podestava, et naredi: «fiios de ankilla de juigi sunt». Et donnu Petru Murtinu naredi ca «custa Bera de Çori fiia de liberu et de libera est et issos fiios c’at fattus sunt fiios de serbu de sanctu Jorgi et de custa libera». Iuigaruntimi ad bature destimonios ca fudi Bera de Çori libera et de mama et de patre et ca fudi stetida cun su serbu de sanctu Jorgi dessos annos ·XX·. Et batusi destimonios, ki iurarunt in bangeleu de Deu ca «custa Bera de Zori fiia de Alene de Zori est, k’est libera»: Honori de Figu et Goantini de Lacon et Gunnari Zukellu et Jorgi Mamelli de villa de Tremaza et Mariani de Lacon, Cannau de Bauladu et Orzoco de Varca de Baratiri, fradili primariu de Alene de Zori. Custos narrunt, dave co iurarunt, ca «custa Bera de Zori fiia de Alene de Zori est, k’est libera maiorali». Et pro Petru Seke su padre batusi destimonios ad Tractasu de Unali et ad Torbini Marçias et ad Comida Paanu et ad Petru d’Orruu de villa de Ziorfaliu et Furatu de Nuri de Solarussa et Furadu de Lacon de Villalonga et Petru de Martis de Sii maiore. Custos iurarunt in bangeleu de Deu et narrunt, dave co iurarunt, ca «custa Bera de Çori est fiia de Petru Seke ki fudi liberu maiorali et de mama et de patre». Parsit resone assa iustitia ca ll’avia binkidu. Poserunt et torraruntimi sos serbos: ad Petru de Çori et ad Mariane de Zori su frade. Narei in corona ad Bera de Çori: «non boio k’istis plus cum su serbu de sanctu Jorgi de Calcaria». Et Bera de Çori naredi: «pusco perdo ad fiios meos, non mi bolio bogare de llu». Et adcordarus nos impare in sa corona ad plakimentu bonu de pare de staresi impare Bera de Zori cun su serbu de sanctu Jorgi pro maridu et pro mugere et fiios cantos enti fagere essere serbos de sanctu Jorgi de Calcaria. Testes: donnu Petru de Figus armentariu de logu c’arreiat corona, et donnu Petru Murtinu curadore de parti de Miili, et donnu Furadu de Çori Zorrompis curadore de Nurabulia, et donnu Baldufinu et Comida d’Orruu su fiiu, et Orçoco d’Açene et Petru d’Açene su frade, et Goantine de Varca et Andria de Varca su frade, et Sueione Manca et Goantine Manca Mauru et Petru de Serra Cariga et Bellomini de Serra d’Urasanna.
Copyright © 2007‐2017 Daniele Carrau
Nota: questo non è il sito istituzionale del Comune di Zerfaliu,
e neppure della Pro loco di Zerfaliu

ubuntu logo
Pagina caricata in 0 secondi
aggiornata il 07-02-2009 alle ore 18:56:40
Copyright © 2007-2017 Daniele Carrau
http://zerfaliu.altervista.org/condaghebonarcado.php